وەرزش لە بەسڕەو پاسەوانی سنور لە هەڵەبجە

ئاسۆ عەبدوللەتیف

نووسەر و رۆژنامەنووس
  10/01/2023  |    542 جار خوێندراوەتەوە

شارێکی بازرگانی و ئابوری پڕ لە وزەو سامانی یەدەگی نەوتی و خاوەن بەندەری بازرگانی و ستراتیجی گەورە، ئێستا بۆتە وێرانە بەدەست ئەم نوخبە حوکمرانەی عێراقەوە، دەسەڵاتدارانی عێراقی دەخوازن بە خولێکی وەرزشی،بیست و پێنجەمینی کەنداو برینەکانی ساڕێژ بکەن و سەفەقاتە گەورەکانی گەندەڵی ئاوت بکەن ؟

شارێکی وا ستراتیجی دراوسێی کوەیت و خاوەن چەندین میناو بەندەرو بیرە نەوت و شاڕێگا فارسی وتەنی (بس- ڕاە) شەرم نییە ئاو و کارەبای نەبێت و رۆژانە ئاوی سوێراو بخۆنەوەو نەخۆشخانەو جادەو قوتابخانەی تازەیان نەبێت و پڕ بە گەروویان ھاواری دادو نادادیان بێت و دوو رەمزی جوان لەو شارەدا نەبینیت و ھێشتا ئەڵێی سەردەمی عوتبەی کوڕی غەزوان، ١٤ی ھیجری و عەھدی ئەمەوی و عەباسیەکانە؟ دەزانن لەو بەسڕەیەی کە خاوەنی چەندین حەزاراتی گەورەیەو لە زاری عەرەب خۆیانەوە بە خاکی توندو بەھێزو سپی بەناوبانگە: الڕرچ الغلیڤە التی فیھا حجارە ێلبە بیچاء.

 ومدینە البێرە مدینە عراقیە عڤیمە، دەی رێژەی %٨٢ ی گەنجان ئێستا بێکارن و بەدوای کەرامەت و شکۆی خۆیان و کارێکی شایستەدا دەگەرێن لەسایەی ئەو حکومەتە مەرکەزیەوە.

 بەرپرسان و پەرلەمانتاران چەند ساڵێکە بەھۆی توڕەیی و خەشم و ناڕەزایی گەنجانی بەسرەوە نەیانوێراوەو ناوێرن بچنە ئەو شارەو ماسیەکی ئەو ساحیلە بێ خزمەتگوزارەو چایەک بخۆن و دیبەیتێکی میدیایی بکەن ھیچ نەبێ نەیانتوانیوە بەو یاسایانەش ڕێگربن لە چەتەو بلۆکە گەورەکانی پاڵاوگەی نایاسایی و ھەناردەی نەوت و کەرەستەکانی قاچاخچێتی دەرمان، ئێستا سوک و ئاسان لە ڕێگەی وەرزشەوە دەیانەوێت بەنگ و سەرخۆشیان بکەن و لە پەناشەوە سامانە زۆرەکەی بخۆن؟

ھێشتاو لەم کاتەشدا پەرلەمانتارانی سوننەو شیعە بە تەکسی دەچن بۆ ئەو شارەو ناوێرن بە ئۆتۆمبیلە جوان و کەشخەکانیان پیاسەیەکی کۆڵان و شەقام و بازاڕە کەساسەکەیان بکەن.

رێژەی %٥٠ ی خەڵکی بەسرە لەژێر ھێڵی ھەژاریین و دوچاری ھەزاران دەردو نەخۆشی و کوێرەوەریی بونەتەوە، کەچی، نیوملیار دۆلار زیاتر خەرج دەکەن لە گۆڕەپانێکی وەرزشیدا بۆ مەبەستێکی سیاسی، خەڵک خنکاوە بەدەست بێمروەتیی و جەھالەت و شارچێتی و گروپچێتی ئەو تایپە حوکمرانەوە، کەچی سەرکردەکانی ئەو نوخبە تێکشکاوە لە بڵنگۆی فیفاو تۆپەوە باسی گەشەی ئابوری و عێراقی ھیواو ئاشتی و پەیامی وەرزشی دەکەن.

بەسڕە شارێکە لەرووی سەرچاوەی مرۆیی و دەرامەت و کانزاو گەشتیاریەوە ھیچی کەمتر نیە لە کوەیت و ئەبوزەبی و شاریقەو دەوحە، دەی چۆن دەکرێت ژیان بەو شێوەیە بگوزەرێت لەسایەی حوکمرانیەکی ئاوا بێ باکدا؟ کارەبا و ئاوی شیرین و ھەوای پاک و کارو موچەو گەشت و ئەم شتانە بۆتە داواکاریی سەرەتایی ئەم شارە ئیتر وەرزش چۆن تیماری دەردیان دەکات!

بەسرە وەک ھەڵەبجەیە، خاوەنی ڕەمزو مێژوو قوربانییەو لەسەر ئەرزی واقیعیش خاکێکی وێرانەیە بەدەست سیاسیەکانەوە، لەسەردەمی تاریق ھاشمیەوە بەردی بناغەیەک دانرا لە ھەڵەبجە بۆ ھۆڵێکی ڕۆشنبیریی گەورە، تا ئێستا نەک جێبەجێ نەکراوە خەریکە ئەرزەکەش داگیردەکەن بۆ پڕۆژەی دیکە، لەبری ھۆڵ و جوتسایدو پارک و نەخۆشخانەی گەورە لە ھەڵەبجەو دانپێدانانی بە فەرمی وەک پارێزگایەکی نوێ، کەچی دەسەڵاتی مەرکەزیی دێت سنورەکانی دەسەڵاتی عەسکەرو فاشیزمی مەرکەزی برەو پێئەدات و فەرماندەیی پاسەوانی سنور لە باڵامبۆو سازان و تەوێڵە فراوان دەکات بۆ ڕۆژە ڕەشەکانی کورد.

 کەس نییە بڵێ ئەو تێزە فاشیستانەو کەڵکەڵە مەزھەبیی و سوڵتەگەراییە بۆ عێراق کۆتایی ھاتوە، عێراق دراوەتە دەست کۆمەڵێک ھێزی پەرتبووی خاوەن سەرمایەو نەوت و گروپی ئۆلیگارییشی مالی گەندەڵ چۆن دەتوانێت بە خولێکی وەرزشی ئومێد بۆ تاکەکانی بگێڕێتەوەو پینەی گەڕووگولیەکانی پێ بکات.

باشە عێراق بۆ پارچەپارچە نەبێت وەک ئیماراتی عەرەبی، بەسرە بۆ سەربەخۆ نەبێت وەک کوەیت لەو نزیکەوە، موسڵ بۆ جیانەبێتەوەو خۆی بەڕێوەبەرێت، ھەرێمی کوردستان بۆ سەربەخۆ نەبێت، ئەم وەھمی یەکپارچەییەی عێراق تاکەی.


زیاتر