ئاژانسی میزۆپۆتامیا کە تایبەتە بە هەواڵەکانی باکوری کوردستان ڕایگەیاند، لە چەند گوندێکی پارێزگای دیاربەکر وەکو کوندەکانی کەلەبورجو و بولام و چەلیکان، هیچ هاوکارییەکی ئافاد نەگەشتووەتە ئەو ناوچەیە.
ڕاشیگەیاندووە ئەو کەسانەی کە بە خۆبەخش ویستویانە بگەنە گوندەکان بۆ هاوکاری دانیشتوانەکەی، بەهۆی بەفرەوە ڕێگەیان لێگیراوە، ژمارەیەک لە بریندارەکانیش بەهۆی نەبوونی چارەسەری سەرەتایی و فریاکەوتنەوە گیانیانلەدەستداوە.
ئاژانسەکە دەشڵێت بەشێک لە جەستەی قوربانییەکانی بومەلەرزەکە لەو گوندانە لەلایەن گورگەوە خوراون.