بومەلەرزیەک شاری سێرتی باکوری کوردستانی هەژاند

  2020-12-03  | 
 تۆڕی هەواڵی ژیان
بەڕێوەبەرایەتی ئیدارەدا‌نی كاره‌سات و باری له‌ناکاوی تورکیا ڕایگەیاند بەیانی ئەمڕۆ بومەلەرزیەکە بە گوڕی پێنج پلە بە پێوەری رێختەر شارۆچکەی کورتەڵانی سەر با شاری سێرتی هەژاندوە.

ئاژانسی ئەنادۆڵ لەزاری بەڕێوەبەرایەتییەکەوە ڕایگەیاندوە بومەلەرزەکە کاتژمێر 8 و 45 خولەکی بەیانی بووە و گوڕەکەی پێنج پلە بووە.

ئاماژەی بەوەشکردوە بومەلەرزەکە لە قوڵای 20 کیلۆمەتر ڕویداوە و تا ئێستا زیانەکان نازاندرێت.

ئەوە لەکاتێکدایە لەماوەی ڕابردوشدا چەند بومەلەرزەیەک لە شارەکانی باکوری کوردستان و تورکیا ڕویداو و بەدەیان قوربانی لێکەوتەوە.