ژمارەیەک مووشەک لەنزیک بنکەی ئاسمانیی عەین ئەسەد لە ئەنبار کەوتنەخوارەوە و مووشەکەکانیش ئاراستەی بنکەی هاوپەیمانیی نێودەوڵەتی کراون.
سەرچاوەیەكی ئەمنی عێراق رایگەیاند بەیانی ئەمڕۆ چوارشەممە 10 موشەك لە بنكەی ئاسمانی عەین ئەسەد لە پارێزگای ئەنباركەوتونەتە خوارەوە.
سەرچاوە ئەمنیەكان بە سۆمەریە نیوزیان وتووە: 10 موشەكی كاتیۆشا دەوروبەری بنكەی ئاسمانی عەین ئەسەد لە پارێزگای ئەنبار كردووەتە ئامانج كە بنكەی ئاسمانی هێزەكانی هاوپەیمانانی لێیە.
تا ئێستا میدیای عێراقی لەبارەی زیانە گیانی و ماددیەكان هیچ زانیاریەكانی ئاشكرا نەكردووە، بەڵام باس لەوە دەكرێت كە موشەكەكان دەرەوەی بنكە سەربازیەكەیان گرتووە.
لەو بارەیەوە هاوپەیمانی نێودەوڵەتی وردەكارییە سەرەتاییەكانی لەبارەی هێرشە موشەكییەكەی ئاشكرا كرد و وتی هێرشەكە لە كاتژمێر 7.20 خولەكی بەیانی بووە و بنكەی سەربازی ئامانی هاوپەیمانانیان كردووەتە ئامانج، لە ئێستادا هێزەكانی هاوپەیمانی و هێزە عێراقیەكان خەریكی لێكۆڵینەوەن لە هێرشەكە.