ژیان |

پیتەکانی گۆڤاری هەتاو و چاپخانەی حیزب محەمەد ئەمین پێنجوێنی نوسەر و سیاسەتمەدار 16/06/2020 \| 754 جار خوێندراوەتەوە ئەم چیرۆکە دەمانباتەوە بۆ زەمەنێکی ئەفسووناوی، زەمەنی سادەیی، دڵسۆزیی، دڵپاکی، زەمەنی ڕێزگرتن لە هەموو بەها بە نرخەکانی کۆمەڵی کوردەواری و ساکاریی مرۆڤی ئەو کاتە بۆ ساڵەکانی ٥٦بۆ ٥٧. ئەو کاتە حیزبایەتی پیرۆز بوو، رووناکبیران پێشڕەوی کۆمەڵ و رۆشنکەرەوەی ڕێگە تاریکەکان بوون، چرابوون، کە دا دەگیرسان لاو و هەرزەکارەکان لە دەوریان تۆپ دەبوون بۆ فێربوون، ڕێزیان لەناو کۆمەڵدا بێ سنوور بوو .. هەرچەندە بێ دەرامەتی و هەژاریی زۆر بوو، بەڵام خەڵک ئاسودە و دڵخۆش بوون، یەکتریان خۆش دەویست. ئەو کاتە ساڵی خوێندنی ٥٦بۆ ،٥٧ من لە پۆلی پێنجەمی سەرەتایی بووم، هەرچەندە بەتەمەن گەورە و بە باڵا کەڵەگەت بووم، لە پۆلەکەدا دیاربووم و زیرەکیش بووم، لەڕیزی پێشەوە دایان نابووم، زوو زوو هەڵیان دەستاندم بۆ شیعر خوێندنەوە ( لە خوێندنی حوجرەوە من چوومە قوتابخانە) یەکسەر لە پۆلی چوارەم قبووڵ کرام. سەرگەرمی خوێندنەوەی شیعر و ئەدەب و سیاسەت بووم، لە ڕێگەی کاکە مەحموود، برا گەورەکەمەوە ئەدەبیاتی پارتی و شیوعیم پێ دەگەیشت، منیش بۆ قوتابیەکانی هاوتەمەنی خۆمم دەخوێندەوە. هەرچەندە (کاکەم) لە بەرەی باڵی پێشکەوتنخوازی هەمزە عەبدوڵڵا بوو ( الجناح التقدومي ) بەڵام من مەیلم هەر بەلای ڕەوتە چەپەکەدا بوو.....!! ئەوکاتە پێنجوێن شارۆچکە (ناحیە) بوو، ( قۆمیسەر ) یان، یاریدەدەر( معاونی) پۆلیس حوکمیان دەکرد ..قۆمیسەرێکی لێ بوو ناوی ( عەلی غالیب ) بوو، دوو کوڕی هەبوو شیوعی بوون، بەناوەکانی(حوسێن و حەسەن)،پشووی هاوینەیان لە پێنجوێن بەسەر دەبرد ،حوسێن تازە لە بەندیخانە بەربووبوو، زۆربەی کات لە پێنجوێن دەمایەوە و لەگەل گەنجەکانی ئەوسادا پێوەندی دروست کردبوو، لە دوکانی ( تایەری میرزا ئەحمەد )، ( تایەری برای حاجی رشید) کە دوکانی پێڵاو فرۆشیی هەبوو، دادەنیشت لەبەر ئەوەی دراوسێی دوکانی باوکم بوو، کە حوسێن دەهات، منیش دەچووم لە دوکانەکەی ئەو دادەنیشتم، لەوێ گوێم لە وشەی(سۆسیالیست، دیموکراسی،کۆمۆنیستی،ئاشتیخواز و بۆرژوازی) بوو، دەهاتم لە کاکەمم دەپرسی ئەمانە مانایان چییە؟ ئەویش بە گوێرەی تێگەیشتنی ئەوسای من !!! بۆی شرۆڤە دەکردم، ڕۆژێک مامە تایەر پێی گوتم، ئیشێکی گرنگم پێتە .. گوتم چییە؟ گوتی: لەگەڵ ئەم هاوڕێیە دەچیت بۆ سلێمانی، لەوێ پێت دەڵێن کارەکە چییە، گوتم باشە با پرس بە کاکەم بکەم؟! کە بە کاکەمم گوت، گوتی: لەم کارەدا سەرکەوتوو بیت، پلەیەک لە حیزبدا ئەچیتە پێشەوە لەگەڵ هاورێ حوسین هاتینە سلێمانی. لە سەرکارێز لە ماڵێک داینام گوتی: شەو دێن بۆ لات و باسی کارەکەت بۆ دەکەن .. شەوهاورێیەکی باڵابەرزی سمێڵڕەشی جوانخاس هات، ژنێکی عەبابەسەری لەگەڵدا بوو، گوتی بەیانی لەگەڵ ئەم هاورێ ژنە، دەچیت بۆ هەولێ، لەوێ پێت دەڵێن کارەکەت چییە ( من شەو تا بەیانی نەنووستم، داڵغەم لێ دەدا و بیرم دەکردەوە ئەم کارە چییە ) ئایا پیاو کوشتنە؟ خۆ من نازانم دەمانچەیش بەکاربێنم، دزییە خۆ من هێشتا فێری ئەوشتانە نەبووم، بەهەر حاڵ بەیانی هاوڕێ ژنەکە هاتوو، چووین بۆ هەولێ، لەوێ لە گەڕەکی عارەبان بردمیە مالێک، نان و ماست و چاییان پێ دام، ئینجا هاوڕێی هاوسەفەرم گوتی، ئێستا با بڕۆین، کە هاتینە دەرەوە جادەو کۆڵانی گەڕەکی عارەبانی نیشان دام و پێی ئاشنا کردم، ئینجا ڕۆیشتین تاگەیشتینە بەر دوکانەکەی ( چاپخانەکەی) ( گیو موکریانی )، گوتی: ئەو سندووقانەی کە دەیانبینیت پیتی چاپکردنی تێدایە، گوتم بەڵێ، گوتی: ئەو کاغەزانە دەبینیت کە پیتەکانی لەسەر نوسراوە؟ گوتم: بەلێ گوتی: چنگێک لە پیتی کاف و جیم بفڕێنە و بگەڕێوە بۆ ئەو ماڵەی کە لێوەی هاتین، ئیتر وەک ئەوەی بیسمیلای لێ بکەیت، لەبەرچاوم ون بوو، کارەکەم ئەنجامدا و گەڕامەوە ماڵەکە، لەوێ دشداشە و چاکەتێک و جووتێ نەعلیان بۆ هێنام. جلەکانی خۆمیان لێ وەرگرتم و ئێستەش داخی ئەوجووتە کڵاشە هەورامیەم هەر لە دڵدایە، کە بە جووتێ نەعل لێیان گۆڕیمەوە و سواری تکسیەکیان کردم بۆ کەرکوک، لە وێشەوە بۆ سلێمانی و چوومەوە ماڵەکەی سەرکارێز، شەو هاوڕێ جوانخاسەکە هات بۆلام، پیتەکان کە لە کاغەزەوە پێچرابوون دامە دەستی، گوتی: هاورێ تۆ کارێکی گەورەت ئەنجام داوە بۆ حزب، چونکە چاپخانەکەمان ئەم دوو پیتەی نەمابوو، ئیتر لەمەودوا زوو زوو بەلاڤۆکەکانمان چاپ دەکەین، منیش لە خۆشیا خەریک بوو بفڕم !!! دوایی پەستیەک دایگرتم، هاوڕێکە گوتی: بۆچی پەستی و مات دیاریت؟ گوتم :من لە ژیانمدا دزییم نەکردووە، ئەگەر برادەرەکانیشم کارێکی وایان کردبێت،یان لە باخەکانی پینجوێدا میوەیان بێ پرس رنی بێت، من ئامژگاریم کردوون و بە کارێکی ناجۆرم زانیووە، ئێستا من خۆم دزیی بکەم و خۆیشم پێ قارەمان بێت؟ هاوڕێکەم تۆزێ خۆی گرژ کرد و گوتی: هاوڕێ ئەمە دزیی نییە، چالاکییەکی شۆرشگێرانەیە، ئینجا کەوتە قسەکردن بە دەنگی بەرز، نیمچە سیمینارێکی دا و گوتی هاورێیان گوێ بگرن، ژوورەکە چوار پێنج کەسێکی تری تێدا بوو گوتی: لە حیزبدا هاورێیەکمان هەیە کە هاوڕێ (فەهد) ناوی ناوە ( اللص شريف) ئەم هاورێیە، لە شەریکەی نەوتی کەرکوک کاری دەکرد، ئەوکاتەی حزب پارەی نامێنێت داوا لەم هاورێیە دەکەن لەشەریکەی نەوت دزی بکاو بیفرۆشێت و پارەکەی بهێنێت بۆ حیزب، هاوڕێیەکی کۆمیتەی ناوەندی سەرپەرشتی ئەم ئیشانەی کردووە، کە ناوی ( هادی هاشم الاعظمي ) بوو، ئەمە کارێکی نیشتیمانی بوو، چونکە لەلایەک زیانی دەگەیاند بە ( ئیستعماری بەریتانی ) لە لایەکی تریشەوە، حیزب لە بێ پارەیی و تەنگژەی ئابووری ڕزگاری دەبوو، کارەکەی تۆیش ئەچێتە ئەو چوارچێوە نیشتیمانییەوە، هاوڕێ ( خۆ ئێستاش لەم زەمانەدا دزی قارەمان و ئەشرافمان زۆرە!!!) هەندێک رێکەوتی سەیرو سەمەرە لەم چیرۆکەدا هەیە . ١- لە شەستەکاندا لەگەڵ ( حوسین و حەسەنی عەلی غالب) لە لیژنەی قەزای هەڵەبجەی حیزبی شیوعی یەکمان گرتەوە، حوسین بەرپرسی قەزا بوو، منیش بەرپرسی شاری هەڵەبجە بووم، واتە دوای هەشت ساڵ یەکمان بینیەوە .. ٢- ئەو پیاوە جوانخاسەی پیتەکانی لێ وەرگرتم ( مامۆستا فەرج ئەحمەد)بوو، هەتا مردیش هەر برادەرم بوو. ٣- ئەوهاوڕێ ژنەی، کە لەگەڵم هات بۆ هەولێر، تێکۆشەرێکی دیار بوو، لەگەڵ (کامیل)ی برایدا لە لیژنەی قوتابیان پێکەوە کارمان دەکرد زۆر شەو لە ماڵیان دەماینەوە ٤- ئەو (لصه شريف)ه ی، کە هاوڕێ فەهد باسی کردوە ( سەید عەلی مەنەدەلاوی) بووە،کادرێکی کرێکاری شیوعی ناسراوبوو لە چل و پەنجاکاندا ڕۆڵی هەبوو، لە ساڵی شەست و چواردا لە بنکەی (ئاوەگرد) یەکترمان ناسی،من باسی دزینی پیتەکانی گۆڤاری هەتاوم بۆ دەکرد ئەویش باسی دزیەکانی شریکەی نەوتی (ئیستعماری بەریتانی) بۆ کردم، لە یەکێ لەو دزیە سەیرانە، گوتی ئەندازیارێکی هیندیمان لا بوو، ژوورەکەی کەلوپەلی زۆری تێدا بوو، ژورەکەیم پێچایەوە، کە سەیرم کرد، موستیلەیەکی نایابی ئاڵتوونی لە پەنجەدا بوو، چوومە سەری و ویستم موستیلەکە لە پەنجەی داکەنم، لە ترسا خۆی کرد بە خەوتوو بۆ ئەوەی نەیکوژم، موستیلەکەم بۆ دەرنەدەهات، پەنجەیم کرد بە دەممداو تەڕم کرد، ئینجا موستیلەکەم لە پەنجەی دەرهێنا، ئیتر ئەو خۆی کرد بە خەوتوو، منیش ژوورەکەم بەجێ هێشت ٥- حوسێنی عەلی غالب بۆی گێرامەوە: ئەوکاتەی ماڵمان لە پێنجوێن بوو، فەرمانێک لە بەڕێوەبەری پۆلیسی گشتی بەغداوە دێت،کە دەبێت ماڵی قۆمیسەر عەلی غالب بپشکنرێت ( تفتیش بکرێت )، لەبەر ئەوەی کوڕەکانی شیوعین، بەڵکوو بەڵگەیەکمان لەسەر بدۆزنەوە، گوتی بە ناچاری باوکم(قۆمیسەر) و (مدیرناحیە) و موختاری پێنجوێن هاتن و ماڵەکە گەڕان هیچیان نە دۆزیەوە، چونکە پێش هاتنی ئەوان، دایکم هەموو شتەکانی ئێمەی شاردبووەوە .. ٦- زۆر داوای لێبوردن لە رۆحی مامۆستای گەورە ( گیو موکریانی ) دەکەم و داواش لە دکتۆرە کوردستان موکریانی دەکەم کە لە حیزب خۆش بن (سکاڵامان لەسەر تۆمار نەکەن لە دادگە ) چونکە ئەوە خۆم ددانم بە هەموو راستییەکاندا هێناوە. هەر پێوەند بە دزینی پیتی کوردی لە مام گیو، دکتۆرە کوردستان لە دەمی باوکییەوە. گێڕایەوە: کاتێک لە رەواندوز باوکم و مامم( حوزنی موکریانی)، خەریکی دەرکردنی گۆڤاری( زاری کرمانجی) دەبن، کێشەی هەندێک پیتی کوردییان دەبێت، مامیشم لە دار پیتەکانی(گ،ڤ،ژ و ێ) دروست دەکات و گۆڤارەکە چاپ دەکەن و مژدەی لەمەودوای ئەلفوبێی کوردیش بە خوێنەرانی گۆڤارەکە دەدەن،ئیتر کۆمەلێک مەلا لە ڕەواندز دەیکەنە ھەڵاو خەڵک ھان دەدەن کە پیتە کوردیەکان بدزن و ھانی خەڵک دەدەن دوکانە کەش تاڵان بکەن ، ھەڵدەکوتنە سەر چاپخانەکەو ئەوەی دەستیان پێدەگات دەیدزن تێکدەدەن . بەڵام باوکم و مامم ھەر سور دەبن و گۆفاری زاری کرمانجی و ئەلوفو بێی کوردی بەردەوام بێت . عەلمانی و لاھووتی پێکەوە دزیان لە گیو موکریانی کرددوە

پیتەکانی گۆڤاری هەتاو و چاپخانەی حیزب

محەمەد ئەمین پێنجوێنی

نوسەر و سیاسەتمەدار

16/06/2020 | 754 جار خوێندراوەتەوە

ئەم چیرۆکە دەمانباتەوە بۆ زەمەنێکی ئەفسووناوی، زەمەنی سادەیی، دڵسۆزیی، دڵپاکی، زەمەنی ڕێزگرتن لە هەموو بەها بە نرخەکانی کۆمەڵی کوردەواری و ساکاریی مرۆڤی ئەو کاتە بۆ ساڵەکانی ٥٦بۆ ٥٧.
ئەو کاتە حیزبایەتی پیرۆز بوو، رووناکبیران پێشڕەوی کۆمەڵ و رۆشنکەرەوەی ڕێگە تاریکەکان بوون، چرابوون، کە دا دەگیرسان لاو و هەرزەکارەکان لە دەوریان تۆپ دەبوون بۆ فێربوون، ڕێزیان لەناو کۆمەڵدا بێ سنوور بوو ..
هەرچەندە بێ دەرامەتی و هەژاریی زۆر بوو، بەڵام خەڵک ئاسودە و دڵخۆش بوون، یەکتریان خۆش دەویست.
ئەو کاتە ساڵی خوێندنی ٥٦بۆ ،٥٧ من لە پۆلی پێنجەمی سەرەتایی بووم، هەرچەندە بەتەمەن گەورە و بە باڵا کەڵەگەت بووم، لە پۆلەکەدا دیاربووم و زیرەکیش بووم، لەڕیزی پێشەوە دایان نابووم، زوو زوو هەڵیان دەستاندم بۆ شیعر خوێندنەوە ( لە خوێندنی حوجرەوە من چوومە قوتابخانە) یەکسەر لە پۆلی چوارەم قبووڵ کرام.
سەرگەرمی خوێندنەوەی شیعر و ئەدەب و سیاسەت بووم، لە ڕێگەی کاکە مەحموود، برا گەورەکەمەوە ئەدەبیاتی پارتی و شیوعیم پێ دەگەیشت، منیش بۆ قوتابیەکانی هاوتەمەنی خۆمم دەخوێندەوە. هەرچەندە (کاکەم) لە بەرەی باڵی پێشکەوتنخوازی هەمزە عەبدوڵڵا بوو ( الجناح التقدومي ) بەڵام من مەیلم هەر بەلای ڕەوتە چەپەکەدا بوو.....!!
ئەوکاتە پێنجوێن شارۆچکە (ناحیە) بوو، ( قۆمیسەر ) یان، یاریدەدەر( معاونی) پۆلیس حوکمیان دەکرد ..قۆمیسەرێکی لێ بوو ناوی ( عەلی غالیب ) بوو، دوو کوڕی هەبوو شیوعی بوون، بەناوەکانی(حوسێن و حەسەن)،پشووی هاوینەیان لە پێنجوێن بەسەر دەبرد ،حوسێن تازە لە بەندیخانە بەربووبوو، زۆربەی کات لە پێنجوێن دەمایەوە و لەگەل گەنجەکانی ئەوسادا پێوەندی دروست کردبوو، لە دوکانی ( تایەری میرزا ئەحمەد )، ( تایەری برای حاجی رشید) کە دوکانی پێڵاو فرۆشیی هەبوو، دادەنیشت
لەبەر ئەوەی دراوسێی دوکانی باوکم بوو، کە حوسێن دەهات، منیش دەچووم لە دوکانەکەی ئەو دادەنیشتم، لەوێ گوێم لە وشەی(سۆسیالیست، دیموکراسی،کۆمۆنیستی،ئاشتیخواز و بۆرژوازی) بوو، دەهاتم لە کاکەمم دەپرسی ئەمانە مانایان چییە؟
ئەویش بە گوێرەی تێگەیشتنی ئەوسای من !!! بۆی شرۆڤە دەکردم، ڕۆژێک مامە تایەر پێی گوتم، ئیشێکی گرنگم پێتە ..
گوتم چییە؟
گوتی: لەگەڵ ئەم هاوڕێیە دەچیت بۆ سلێمانی، لەوێ پێت دەڵێن کارەکە چییە، گوتم باشە با پرس بە کاکەم بکەم؟!
کە بە کاکەمم گوت، گوتی: لەم کارەدا سەرکەوتوو بیت، پلەیەک لە حیزبدا ئەچیتە پێشەوە
لەگەڵ هاورێ حوسین هاتینە سلێمانی. لە سەرکارێز لە ماڵێک داینام گوتی: شەو دێن بۆ لات و باسی کارەکەت بۆ دەکەن ..
شەوهاورێیەکی باڵابەرزی سمێڵڕەشی جوانخاس هات، ژنێکی عەبابەسەری لەگەڵدا بوو، گوتی بەیانی لەگەڵ ئەم هاورێ ژنە، دەچیت بۆ هەولێ، لەوێ پێت دەڵێن کارەکەت چییە ( من شەو تا بەیانی نەنووستم، داڵغەم لێ دەدا و بیرم دەکردەوە ئەم کارە چییە ) ئایا پیاو کوشتنە؟ خۆ من نازانم دەمانچەیش بەکاربێنم، دزییە خۆ من هێشتا فێری ئەوشتانە نەبووم، بەهەر حاڵ بەیانی هاوڕێ ژنەکە هاتوو، چووین بۆ هەولێ، لەوێ لە گەڕەکی عارەبان بردمیە مالێک، نان و ماست و چاییان پێ دام، ئینجا هاوڕێی هاوسەفەرم گوتی، ئێستا با بڕۆین، کە هاتینە دەرەوە جادەو کۆڵانی گەڕەکی عارەبانی نیشان دام و پێی ئاشنا کردم، ئینجا ڕۆیشتین تاگەیشتینە بەر دوکانەکەی ( چاپخانەکەی) ( گیو موکریانی )، گوتی: ئەو سندووقانەی کە دەیانبینیت پیتی چاپکردنی تێدایە، گوتم بەڵێ، گوتی: ئەو کاغەزانە دەبینیت کە پیتەکانی لەسەر نوسراوە؟ گوتم: بەلێ
گوتی: چنگێک لە پیتی کاف و جیم بفڕێنە و بگەڕێوە بۆ ئەو ماڵەی کە لێوەی هاتین، ئیتر وەک ئەوەی بیسمیلای لێ بکەیت، لەبەرچاوم ون بوو، کارەکەم ئەنجامدا و گەڕامەوە ماڵەکە، لەوێ دشداشە و چاکەتێک و جووتێ نەعلیان بۆ هێنام. جلەکانی خۆمیان لێ وەرگرتم و ئێستەش داخی ئەوجووتە کڵاشە هەورامیەم هەر لە دڵدایە، کە بە جووتێ نەعل لێیان گۆڕیمەوە و سواری تکسیەکیان کردم بۆ کەرکوک، لە وێشەوە بۆ سلێمانی و چوومەوە ماڵەکەی سەرکارێز، شەو هاوڕێ جوانخاسەکە هات بۆلام، پیتەکان کە لە کاغەزەوە پێچرابوون دامە دەستی، گوتی: هاورێ تۆ کارێکی گەورەت ئەنجام داوە بۆ حزب، چونکە چاپخانەکەمان ئەم دوو پیتەی نەمابوو، ئیتر لەمەودوا زوو زوو بەلاڤۆکەکانمان چاپ دەکەین، منیش لە خۆشیا خەریک بوو بفڕم !!!
دوایی پەستیەک دایگرتم، هاوڕێکە گوتی: بۆچی پەستی و مات دیاریت؟ گوتم :من لە ژیانمدا دزییم نەکردووە، ئەگەر برادەرەکانیشم کارێکی وایان کردبێت،یان لە باخەکانی پینجوێدا میوەیان بێ پرس رنی بێت، من ئامژگاریم کردوون و بە کارێکی ناجۆرم زانیووە، ئێستا من خۆم دزیی بکەم و خۆیشم پێ قارەمان بێت؟ هاوڕێکەم تۆزێ خۆی گرژ کرد و گوتی: هاوڕێ ئەمە دزیی نییە، چالاکییەکی شۆرشگێرانەیە، ئینجا کەوتە قسەکردن بە دەنگی بەرز، نیمچە سیمینارێکی دا و گوتی هاورێیان گوێ بگرن، ژوورەکە چوار پێنج کەسێکی تری تێدا بوو گوتی: لە حیزبدا هاورێیەکمان هەیە کە هاوڕێ (فەهد) ناوی ناوە ( اللص شريف) ئەم هاورێیە، لە شەریکەی نەوتی کەرکوک کاری دەکرد، ئەوکاتەی حزب پارەی نامێنێت داوا لەم هاورێیە دەکەن لەشەریکەی نەوت دزی بکاو بیفرۆشێت و پارەکەی بهێنێت بۆ حیزب، هاوڕێیەکی کۆمیتەی ناوەندی سەرپەرشتی ئەم ئیشانەی کردووە، کە ناوی ( هادی هاشم الاعظمي ) بوو، ئەمە کارێکی نیشتیمانی بوو، چونکە لەلایەک زیانی دەگەیاند بە ( ئیستعماری بەریتانی ) لە لایەکی تریشەوە، حیزب لە بێ پارەیی و تەنگژەی ئابووری ڕزگاری دەبوو، کارەکەی تۆیش ئەچێتە ئەو چوارچێوە نیشتیمانییەوە، هاوڕێ
( خۆ ئێستاش لەم زەمانەدا دزی قارەمان و ئەشرافمان زۆرە!!!)
هەندێک رێکەوتی سەیرو سەمەرە لەم چیرۆکەدا هەیە .
١- لە شەستەکاندا لەگەڵ ( حوسین و حەسەنی عەلی غالب) لە لیژنەی قەزای هەڵەبجەی حیزبی شیوعی یەکمان گرتەوە، حوسین بەرپرسی قەزا بوو، منیش بەرپرسی شاری هەڵەبجە بووم، واتە دوای هەشت ساڵ یەکمان بینیەوە ..
٢- ئەو پیاوە جوانخاسەی پیتەکانی لێ وەرگرتم ( مامۆستا فەرج ئەحمەد)بوو، هەتا مردیش هەر برادەرم بوو.
٣- ئەوهاوڕێ ژنەی، کە لەگەڵم هات بۆ هەولێر، تێکۆشەرێکی دیار بوو، لەگەڵ (کامیل)ی برایدا لە لیژنەی قوتابیان پێکەوە کارمان دەکرد زۆر شەو لە ماڵیان دەماینەوە
٤- ئەو (لصه شريف)ه ی، کە هاوڕێ فەهد باسی کردوە ( سەید عەلی مەنەدەلاوی) بووە،کادرێکی کرێکاری شیوعی ناسراوبوو لە چل و پەنجاکاندا ڕۆڵی هەبوو، لە ساڵی شەست و چواردا لە بنکەی (ئاوەگرد) یەکترمان ناسی،من باسی دزینی پیتەکانی گۆڤاری هەتاوم بۆ دەکرد ئەویش باسی دزیەکانی شریکەی نەوتی (ئیستعماری بەریتانی) بۆ کردم، لە یەکێ لەو دزیە سەیرانە، گوتی ئەندازیارێکی هیندیمان لا بوو، ژوورەکەی کەلوپەلی زۆری تێدا بوو، ژورەکەیم پێچایەوە، کە سەیرم کرد، موستیلەیەکی نایابی ئاڵتوونی لە پەنجەدا بوو، چوومە سەری و ویستم موستیلەکە لە پەنجەی داکەنم، لە ترسا خۆی کرد بە خەوتوو بۆ ئەوەی نەیکوژم، موستیلەکەم بۆ دەرنەدەهات، پەنجەیم کرد بە دەممداو تەڕم کرد، ئینجا موستیلەکەم لە پەنجەی دەرهێنا، ئیتر ئەو خۆی کرد بە خەوتوو، منیش ژوورەکەم بەجێ هێشت
٥- حوسێنی عەلی غالب بۆی گێرامەوە: ئەوکاتەی ماڵمان لە پێنجوێن بوو، فەرمانێک لە بەڕێوەبەری پۆلیسی گشتی بەغداوە دێت،کە دەبێت ماڵی قۆمیسەر عەلی غالب بپشکنرێت ( تفتیش بکرێت )، لەبەر ئەوەی کوڕەکانی شیوعین، بەڵکوو بەڵگەیەکمان لەسەر بدۆزنەوە، گوتی بە ناچاری باوکم(قۆمیسەر) و (مدیرناحیە) و موختاری پێنجوێن هاتن و ماڵەکە گەڕان هیچیان نە دۆزیەوە، چونکە پێش هاتنی ئەوان، دایکم هەموو شتەکانی ئێمەی شاردبووەوە ..
٦- زۆر داوای لێبوردن لە رۆحی مامۆستای گەورە ( گیو موکریانی ) دەکەم و داواش لە دکتۆرە کوردستان موکریانی دەکەم کە لە حیزب خۆش بن (سکاڵامان لەسەر تۆمار نەکەن لە دادگە ) چونکە ئەوە خۆم ددانم بە هەموو راستییەکاندا هێناوە.
هەر پێوەند بە دزینی پیتی کوردی لە مام گیو، دکتۆرە کوردستان لە دەمی باوکییەوە. گێڕایەوە: کاتێک لە رەواندوز باوکم و مامم( حوزنی موکریانی)، خەریکی دەرکردنی گۆڤاری( زاری کرمانجی) دەبن، کێشەی هەندێک پیتی کوردییان دەبێت، مامیشم لە دار پیتەکانی(گ،ڤ،ژ و ێ) دروست دەکات و گۆڤارەکە چاپ دەکەن و مژدەی لەمەودوای ئەلفوبێی کوردیش بە خوێنەرانی گۆڤارەکە دەدەن،ئیتر کۆمەلێک مەلا لە ڕەواندز دەیکەنە ھەڵاو خەڵک ھان دەدەن کە پیتە کوردیەکان بدزن و ھانی خەڵک دەدەن دوکانە کەش تاڵان بکەن ، ھەڵدەکوتنە سەر چاپخانەکەو ئەوەی دەستیان پێدەگات دەیدزن تێکدەدەن . بەڵام باوکم و مامم ھەر سور دەبن و گۆفاری زاری کرمانجی و ئەلوفو بێی کوردی بەردەوام بێت . عەلمانی و لاھووتی پێکەوە دزیان لە گیو موکریانی کرددوە

بابەتەکانی تری نوسەر

پیتەکانی گۆڤاری هەتاو و چاپخانەی حیزب	هونەرمەندی گەورەی کورد دکتۆر قادر دیلان
(پاشەکشەی هێزی پیشمەرگە و کۆنفراسەکەی ئێمە حیزبی شیوعی عێراق-قیادەی مەرکەزی)	قادری حاجی عەلی پێشمەرگەیەکی ئازا ڕووناكبیرێکی شارەزا

زیاتر

دوایین هەواڵ

بافڵ جەلال تاڵەبانی: ئەمڕۆ بە شانازی و وەفاداریی هەمیشەییمانەوە یادی شەهیدانمان دەکەینەوە

مەكتەبی سیاسی لە رۆژی شەهیدی یەكێتیدا پەیامێکی بڵاوکردەوە

وەزیری پلاندانان: ئەمڕۆش هاوڵاتیان دەتوانن بگەڕێنەوە ئەو ناوچانەی مادەی (١٤٠)ن و لەژێر کۆنتڕۆڵی پێشمەرگەدان

قوباد تاڵەبانی: پێویستە حکومەتی داهاتوو پشتیوانی پرۆسەی ریفۆرم بکات لە هێزەکانی پێشمەرگەدا.

سودانی: سبەی پێکەوە هەنگاوێکی شارستانی گرنگ دەنێین

سەرجەم هێزە ئەمنییەکان خرانە حاڵەتی ئامادەباشییەوە