سۆرانی  |  بادینی  |  English      

بەرهنگاریا گندەڵیێ.. تاوانا شەرەفسزیێ

جاسم محمد شرنەخى

نوسەر و بەرپرسی مەڵبەندی یەکگرتوو لە زاخۆ
  26/12/2020  |    717 جار خوێندراوەتەوە

هەر ل دەستپیێکی من دڤێت بێژم: پەیڤێت خوە ئاراستەى وان دل مریان ناکم یێت مال و داهاتى ڤى مللەتى دەولمەند وەکى نەهەەنگێن ئۆقویانوسا دداعویرن و ب شەڤ و رۆژ لێ ددن، و پاریێ دەڤێن ئیتیم و پەکەفتیا دڕەڤینن ودخۆن، ئەو بێ وژدانێت نابێژنە خوە: فەرمانبەرێ مۆچەیێ وى و زاڕۆکێت وى 400-500 هزار دینار دەمێ دهێتە بڕین وخوارین، ئەو هەژارە چەوا دژین ، چ دخۆن و چەوا ل ڤێ سڕ وسەقەمێ بێ سۆتەمەنى ل وەڵاتێ دەریا سۆتەمنیێ جان و جەستیێ خوە دپارێزن، ئەز بۆ ڤان دڕەندەیێت خایین نا ئاخڤم؟!

بڕاستى ئاخفتن یا زێدەیە بۆ  کەسێن ئەگەر دندەکا مرۆڤایەتیێ هەبان نە دکارین ڤێ دلڕەقیێ هەتا ل گەل  دوژمنێت خوەژى بکن.

نە زانەک یانژى کوڵەیەک نەبت باش دزانت چاکبوونا ڤان جۆرە بێ بەختا چ ڕێ نا چنێ و موستەحیلە، چونکى هیچ جارەکێ دیرۆکا مرۆڤاتیێ چ یا کەڤن یانژى یا نوى ڕویدانەکا تەوبکرنا گەندەڵچیێن زالم تۆمار نە کریە، لەوا بخودێ ئەم وەسا بێ هیڤیینە نە کو تەنها ژ چاکسازیا وان بەلکى هەتا ژ چاکبوونا وان ژى کا چەوا مرۆڤ بێ هیڤیە ل دونیایێ مریێن هەستیێن وان ڕزین و بووینە ئاخ ژ گوڕێن خوە دەربکەڤن و دیسان بهێن نانێ ساخان بخۆن!

 گەشبینی ب چاکسازیا زاڵمێن گەندەڵکار هزرەکا بێ بناغەیە، وەکى هیڤى و ئومێدێن وى زەڵامیە یێ دوعا کوڕەکێ چاک بۆ خوە ژخۆدێ کرى لێ دهەمان دەمدا یێ رژدبوو ژنێ نە هینت!!

 کا ئەڤ کەسە چەند بێ ئەقلە ئەها یێ ئومێدێن خوە هەلاویست کو تاڵانکەرێن ماڵى گشتى دێ رۆژەکێ ل خوەزڤڕینەکا دروست کەن ئانکو دێ ڕاوەستن ژ داعویرانێ، و دێ وان ملیارەرها دولارێن چەپکرین و سەدەها ملیون برملێن گازێ یێن دزین ڤە گرینن ڤە و دێ بنە شەریفێت جیهانێ، ئەڤ کەسێ ئەڤە هزرا وى بیت پێش منڤە باى بایا ل ئەقلێ وى بکن!

ل شۆنا ڤێ خەونا خاڤ و بێ ڕامان دەمێ ل هیڤیا چاکسازى یانژى هەتا چاکبوونا نەهەنگێن گەندەڵیی بمینن ئەوا هیچ مفایەک تێدا نە هەى، بلا هەمى چاڤڕوهن و هزر ڕەوشەن و خڕ دلسۆزێت ڤى وەڵاتى بەرێ خوە بدن رێکەکا دیتر یا چارەسەریێ ئەوژى ب ئاڤاکرنا مرۆڤى کورد یان ئەگەر هویرتر و دروستر بێژین: ب رێکا سەر ژنوى ئاڤاکرنا کەسایەتیا کەسێ کورد بکین، ئاڤاکرن و پەروەردەکرنا خوە و بەربابێن نها ژ گەنج و زاڕۆکان ل سەر چەپەڵ دیتنا کریارا گەندەڵیێ وەکو ڕەفتارەکا شەرەفسزیێ، مینا فیقه و فەلسەفا یاسایا عیراقى تماشەى گەندەڵیێ کرى، وەکى هەمى دەما پیڤەرێ شەرەفێ ب دەستپاکى و دویریا ژگەندەڵیێ گرێداى، و هەر ئەو کریە مەرجێ سەرەکى ژ بۆ بەشداریکرنا ژیانا گشتی و وەرگرتنا پۆستێن فەرمى و ئیدارى، هەر تەنها بۆ نموونە دا پێکڤە بەرێ خوە بدین یاسا خزمەتگوزاریا سڤیل ژمارە (24) یا سالا یا ساڵا1960 کا دڤى بیاڤیدا چ دبێژیت؟، دەقێ وى ب عەرەبى ئەڤەیە: ( لا يُعيَّنُ في الوظائف الحكومية الا من كان .. 4ــ حسن الاخلاق و غير محكوم عليه بجناية غير سياسية او بجنحة تمس الشرف كالسرقة والاختلاس والتزوير والاحتيال.. واتە: ل پۆستێن فەرمى – حکومى – کەسەک ناهێتە وەرگرتن ئەگەر خوەدى ڕەوشتەکێ چاک نەبیت و ناهێت قەبوولکرن ئەگەر ب تاوانەکێ یانژى هەتا بکەفتنەکا –نە سياسى -  یا ژ شەرەڤێ بخۆت وەکى دزى و چەپکرنا مالێ گشتى، و سختەکارى و فێلبازیێ مەحکووم بیت)، مەرەما من پێ ئەو نینە ب یاسادانانێ دێ سەرکەفتن ل سەر گەندەڵى و مافیایێن گەندەڵگارێن کورد ب ئەنجام هێت، نەخێر مەرەم ئەوە ئەم پەروەرەدێ ب کین ل سەر ڕەتکرنا ئێکجارى یا گەندەڵیێ،  وەکو کریارەکا بێ شەڕەفیێ ببین مینا بەهرا پتر جڤاکێن ئینسانى ل سەرانسەرى جیهانێ دبینن، و خوە و زاروکێن خوە دخێزانێدا و ل دەرڤەى خێزانێ ل سەر بهایێت پیرۆزێت پاکى و چاکى و دستپاکیێ سەر ژنوى ئاڤا بکین.

گەندەڵیێ وەکو تاوانەکا دژێ خودێ ببین، و باوەریا ئایندارى و هێزا رۆحى فاکەتەرێن هەرە کارلێکەرن دڤێ جەنگێدا، ددەرفەتەکا دیتر ب ئاناهیا خوداى دێ هێمە خزمەتا خواندەڤانێن هێژا ل ڤى بیاڤى.


زیاتر