سۆرانی  |  بادینی  |  English      

ب دەردێ گوڵونیالیزمێ مە دەرمان بکن!

جاسم محمد شرنەخى

نوسەر و بەرپرسی مەڵبەندی یەکگرتوو لە زاخۆ
  12/08/2020  |    1446 جار خوێندراوەتەوە
دیمەنەکا یٔەبسوردیا عەبەسییە (Absurd scene)  هوزانڤانێ سەردەمێ عەباسسی (یٔەبو نواس)، یٔەوێ گەلە ژقەید وسنۆرێت جڤاکی و ڕەوشتی بەزاندین کا چەوان یێت هوزانێ ژی شکاندبوون و نویکرنەک یٔێخستبوو دهوزانا عەرەبیا کلاسیکیدا دبێژت :
دَعْ عَنْكَ لوْمِي فإنَّ اللوْمَ إغراءُ وَدَاوِني بالتي كانَتْ هيَ الداءُ


((گلەییا ل من نەکن، ژبەرکو گلەیی پتر من ب سەردادبت و یا قەدەغە ل من شرینتر دکت، و دیسان من ب دەردێ من دەرمان بکن))، هەلبەت دەردێ وی خییبوونا مەیڤخوارنێ بوو،  ودخواست دەرمانێ وی ژی هەر زێدە مەیێ ب دەنێ!

 براستی هەزنڤانێ ناڤبری هەر وەکی چاڤرۆهنیەکا زۆر تیژ هەی و پەردێن جهـ و دەمێ خڕ بڕین وئەم – گەلێن رۆژهەلاتا ناڤین دیتین، وگۆتیە مە هوین ژی وەکی دەما ب سەردا دچن بلا کەس لوما ولکا ل هەوە نەکت، دەمێ هوین ژی دناڤا دەردێن خۆیێن گراندا دێ ل دەرمانێ خوە گەرن!
ئەم گەلێ کورد ول ڤی داویێ و گەلێ لوبنانێ ژی هەردوویێت ژدەردێ خۆیێن گران چاڤەڕێی و داخوازکەرێن دەرمانکرنا خۆینە لێ هەر ب وی دەردێ یٔەڤ هەردوو گەلە پێ دناڵن!

 ودا جارێ ب گەلێ لوبنانێ دەست پێ بکین، چەوان یٔەڤ وەڵاتی ژ داگیرکەرێن فەرەنسی یٔەوێن 23 ساڵان لبنان ڤەگرتین ژسالا 1920 تا 1943رزگاربوو یێ هیڤیا دخوازت دیسان بکەڤت ژێر دارێ داگیرکەرێن خویێن بەرێ، کو ل ڤێ داویێ پشتی پەقینا بەیرۆت و لوبنان و دەور و بەر هەمی وەکی پیڤەلەرزێ هەژاندین دل و هەستێن خەلکێ ژی پەقین بەلێ نە ل هەمبەر داگیرکەرێن بیانی بەلکی دژی داگیرکەرێن خرابتر ژ بیانیا یٔەوژی مافیایێت گەندەڵی و حوکمێ فاشل و سەقەت، و وەکی دونیایێ هەمیێ دیتی خەلکێ پایتەختێ ڤی وەڵاتی ب هەمبێز و گەرما ڤێنێ پێشوازی ل (یٔیمانوێل ماکرون) کرین سەرۆکێ وێ دەولەتا ل نیڤا چەرخێ بووری خەلکێ لوبنانا ڕەند و شرین داگیرکری، و پاشێ ل سەرانسەرێ وەڵاتی ب دەها هزاران یٔیمزا، کو گەهەشتا (50 هزار یٔیمزایان) ل سەر عەریزا داخوازکرنا زڤرینا داگیرکرنا لوبنانێ ژلایێ فەرەنساڤە! 

ودا ژلوبنانێ  ڤەگەرین وەڵاتێ خوە کوردستانێ، یٔەوژی یا تشتەکێ دخوازن نێزیکی یا گەلێ لوبنانێ یە، یٔەم یٔەو خەلکێ مە چاڤێن خوە ڤەنەکرین ل دونیایێ ژبلی ل سەر دیمەنێن زۆری و ستەما داگیرکرنا ڕاستەراست ژ گەلێن جیرانێن عەرب و تورک و عەجەمانڤە، و دیسان ژلایێ یٔیمپریالیستا جیهانی یٔەوا مللەتێ مە ب ساتۆرا ژەهراوی سایکس- بیکو پارچە پارچە کرین ل ساڵا 1916 ، وهەتا نهۆ یٔەڤ لاشە پارچە پارچە مایە، و یٔەڤ گەل و وەڵاتە چ جۆرێن یٔازارێ و دەردەسەریێ نەمایە نە دیتی خوە یٔەگەر کەڤرێن چیابان خوە ل بەر وان نەحۆشیا نا دگرتن.
نەخاسمە ژ حکومەتێن عیراقێ یێت یەک ل دویڤ یەکێ، یٔەوێت هەمی دەما یٔاگر ویٔاسن و ژەهر ل سەرێ کەلێ کورد ل ڤێ پارچا زیریرن ژکوردستانێ دباراند نەمازە ژلایێ رژێما بەعسڤە یٔەوا 35 ساڵان حوکم ل عیراقێ کری ژسالا 1968-2003، و یٔومێدا ژهەمی یٔومێدان مەزنتر یا هەر تاکەکێ کورد یٔەوبوو ودیسان خەونا ژهەمی خەونان شرینتر ل دەڤ وان یٔەوبوو رۆژەکێ چاڤێت خوە ڤەکن نەک ل ژێر دارێ دەستهەڵاتداریا عیراقێ بن، بەلێ یٔەڤ یٔۆمێدە پشتی چەندەکێ ب جههاتی بوویە ژهەر، و یٔەو خەونە بوویە کابیسک ژدەولەتسەرێ سەقەترین رێڤەبرنا یٔیدارە و حوکمرانی و سیاسەتا ل هەرێما کورسدتانێ دیٔێتە پەیڕەوکرن.
و بەرهەمێ وێ چەندێ هەمیێ تۆرەکا مافیایا گەندەڵیێ یا هیچ وێنەیەکێ وێ ل جیهانێ نە پەیدابووی و پەیدانابت ژی – خودێ دزانت – بۆیە سەدەما یٔیفلاسا خەزینا وەڵاتی، و برسیکرنا خەلکێ نە خاسمە تەخا فەرمانبەران کو نان یێ ل گەلەک ژوان و خێزانێت وان بۆیە هزرەت پشتی مۆچەیێت وان هاتینە بڕین وپاشکەفتکرن وکێمکرن وگیرووکرن....

زەقنەبۆتکرن، وهەیفا وان بوویە 60 رۆژ دکوردستانا ڕەنگینا یٔەوا وەکی فلینەکێ مەزن ل سەر دەریایەکا پترۆلێ دژیتن، یٔەها ب یٔەگەرێ ڤێ ستەمکاریا چ داگیرکەر و کولونیستان نەکری و ناکن ژی، خەلکێ کوردستانێ یێ دکەلیت و دکەلیت، و بەری ب پژکیت یێت ب یٔاشکەرایی - تایبەت فەرمانبەر- یێت دخوازن دیسان ڤەگەرن ب سەر ڕژێما بەغداڤە، یان بخوە سەر رژێما یٔیبلیسی ڤە!

ئەها یٔەوژی مینا گەلێ لوبنانێ، هەردوو وەکی هەڤ یێت ڕەفتارێ دکن، چونکی هەر وەکی یەک دنالن ژدەستێت تۆرێن گەندەڵیا رێکخستی یٔەوا تێکدەر بۆ وەڵاتی وەکو یٔاخ ودیسان وەکو گەل!

لێ ئەڤ دەردەسەریا هەی چ ل کوردستانێ بت یانژی ل لوبنانێ بت – باوەرناکم – ڕاوەستت ب ڤەگەڕانا کولونیستان، و دویر نینە تەنها دێ ژبەر بای چنە بەر باڕۆڤێ، یانژی ژبەر هەتاڤێ دێ دویر کەڤن هەتا دکەڤن جالەکا یٔاگریدا، لێ چەوابت کەسەکێ خودان وژدان نەشێت لوما و گازندا بکت ژ ڤێ داخوازیا ژ کینەکا حەق وپیرۆز وەکی پێتەکا یٔاگری دەردکەفت!
ئەو کەربە یا هندەک سەرهلدێرانە یٔەوژی مینا یٔەبو نەواسی دکنە هەوار: مە ب دەردێ یٔەم ژێ دنالن دەرمان بکن!
زیاتر