سۆرانی  |  بادینی  |  English      

ب ملیونەها دولاران ڕەخنێ دکرن نەکو مەللاقیێ !!

جاسم محمد شرنەخى

نوسەر و بەرپرسی مەڵبەندی یەکگرتوو لە زاخۆ
  11/02/2021  |    310 جار خوێندراوەتەوە

ژ مەزنترین ئەنجامێت سیاسەتا سەقەت و کەفتى ل وەڵاتێ مە ب درێژاهیا 30 ساڵان چەسپاندنا گیانێ سالویسى و مەللاقیێیە، وهندى دشیاندایە لاوازکرنا گیانێ ڕەخنێ و ڕەخنە لێ گرتنێیە، تا ڕەوش گەهشتیە کوبیتکا ئاستێ زرنابێژیێ، یا ل وى و بابێ ئاوازەکا باشتر بۆ خۆ لێ بدت پێناڤ گەهشتنا ئارمانجێت خۆیەتى و بەرژەوەندییێت تایبەتێن نە ڕەوا، ب ڤى دەست و دارى  ل شوینا بنەمایێ (کەسێ ژ هەژى بۆ جهێ ژ هەژى) دارا (کەسێ دۆڕى بۆ جهێ ژهەژى) بەرهەمێ خوەیێ تەحل و خراب دایە !

خوەدیێن ڤێ ڕێبازا مراندنا گیانێ ڕەخنێ ئەنقەست یانژى نە ئەنقسەت تاوانەکا مەزن د دەرحەقێ پاشەڕۆژا مللەتێ کورد ئەنجامداینە، رێکا پێشکەفتنێ لێ گرتنیە 180 پلەیان بەرۆڤاژى وان یێن ڕێکا گەشا سەرکەفتنێ داینە بەر .

  دا ل ڤێرێ ب چەند پەیڤەکێن کێم فوکسا تیشکێ ب دانین ل سەر گرنگیدانا خەلکێ پێشڤکەفتى ب ڕەخنەوەرگرتنێ ب گیانەکێ پرى خوشحالى و ڕازیبوون  ل ئاستێ کرینا ڕەخنێ ب بهایەکێ زۆرێ مەزن، ل دۆر ڤێ چەندى یا باشە ئەزموونا هەرە سەرکەفتیا کومپانیا ئەپل - Apple بهێتە پێشچاڤ، ل سالا 2019 رۆژنامەیا (دیلى مەیڵ نیۆز - Daily Mail news ) یا بریتانى ڕاپۆرتەکا تایبەت بەڵاڤکر و تێدا هاتبوو : ((کومپانیا Apple یا موبایل و ئایپادان چەندین خەلاتێن باش تەرخانکرینە، ژ (بیست پێنج هزار دولاران) تا دگەهیت (پێنج سەد هزار دولاران) و خەلاتێ مەزن:  (یەک ملیون دولار) ژبۆ وان کەسێن کێماسیان دسیستەمێ Apple Security Bounty ب بينن و بو رێڤەبەرێن کومپانیێ خوەیا بکن )) ، ب ڕاستى ئەڤە وانەیەکا پر بهایە بۆ ڤى گەلێ رێکێن پێشکەفتن و سەرکەفتنێ لێ هاتینە شێواندین و لێ بەرزەکرین،  هوسان هەتا چرایێ گەشێ ڕەخنێ نە هەلگریت ئەڤ تاریتیا مەللاقى و نێزیکرنا دۆڕیان ئەڤا ژلایێ ڕێبەر و سەرۆکێن هەرێمێ بەڵاڤ بووى خۆ ناڤەدیت .

  ئەگەر خێرەک د سەرێ ڤى مللەتیدا مابیت – و یا ماى ژى- هەڵبەت دێ ل دەڤ جۆرە مرۆڤان بیت: ڕەخنەڤانێت ڕاستگۆ، دیسان ل نک وان بیت ئەوێن ڕەخنە و ڕەخنەڤانان هەمبێز دکن، مینا هەلویستێ پێشەوا عومەرێ کورێ خەتابى - خودێ ژێ رازى بت – دەمێ زەلامەکێ ڕاستەڕاست گۆتیێ: " اتق الله يا أمير المؤمنين - ژ خۆدێ ب ترسە میرێ موسلمانا- ل وێرێ کەسەکێ خۆ نە ڕازیکر: چەوان تۆ هۆ دبێژیە خەلیفێ موسلمانان؟!،  وى دەمى عومەرى ئێکسەر بەرسڤا ویدا: "دڤێت وە بێژیت، هیچ باشیەک ل دەڤ هەوە نینە ئەگەر هوین گۆتنێن ب ڤى ئاوایى نە بێژن، و هیچ باشى ل دەڤ مە نینە ئەگەر گۆهداریێ ئەم بۆ نە كين و قەبوول نەکین ".

ڕەخنە کرین رێکا ڕۆهن وڕاستە بەرەڤ کنارێ سەرفەرازى و پێشڤەڕوویا گەل وەڵاتێ مە نەکو مەللاقى .


زیاتر